Rydym yn adolygu ein Fframwaith Optimeiddio Meddyginiaethau, a gyhoeddwyd yn wreiddiol ym mis Ebrill 2021. Mae'r ddogfen fframwaith yn disgrifio sut mae adnoddau optimeiddio meddyginiaethau AWMSG yn cael eu creu; o gynnig gan randdeiliaid, yr holl ffordd at gymeradwyaeth gan AWMSG, lledaenu ac adolygu. Nid adolygiad o'r ddogfennaeth yn unig yw hwn, ond adolygiad o'r holl brosesau sy'n cyfrannu at gyhoeddi adnoddau optimeiddio meddyginiaethau a gymeradwywyd gan AWMSG.
Rhan hanfodol o'r adolygiad hwn yw sicrhau ein bod yn ymatebol i adborth ein rhanddeiliaid, gan gynnwys pobl sydd wedi defnyddio ein hadnoddau yn y gorffennol, neu a allai eu defnyddio yn y dyfodol. Bydd eich adborth yn helpu i lywio adolygiad helaeth o'r fframwaith a sicrhau ei fod yn adlewyrchu blaenoriaethau ac anghenion y cyhoedd a gweithwyr iechyd a gofal cymdeithasol proffesiynol yng Nghymru.
Yn ystod 2026-2027, byddwn yn cynnal amrywiaeth o weithgareddau ymgysylltu â rhanddeiliaid – a bydd pob un ohonynt yn cael eu hyrwyddo o'r dudalen we hon. Dewch yn ôl yn rheolaidd i weld beth rydym yn ei wneud, a sut allwch chi gyfrannu.