Mae gan tua 6% o boblogaeth gyffredinol y DU label alergedd penisilin wedi’i gofnodi. Mewn llawer o achosion, gall hyn fod oherwydd adwaith andwyol a ddigwyddodd yn ystod cwrs o benisilin pan yn blentyn. Yn ogystal, digwyddodd yr adweithiau i benisilin i lawer o gleifion dros 10 mlynedd yn ôl ac ni ellir cofio manylion yr adwaith. Ar ben hynny, mewn hyd at 80% o gleifion, gall sensitifrwydd gael ei golli, a gall unigolion ddechrau goddef penisilin ar ôl 10 mlynedd. Mae tystiolaeth yn dangos nad oes gan fwy na 90% o gleifion sydd wedi’u labelu ag alergedd penisilin yr alergedd hwnnw pan gânt eu hasesu’n ffurfiol. Mae tystiolaeth gynyddol y gall labeli alergedd penisilin anghywir arwain at gleifion yn cael triniaeth gwrthfiotig amgen is-optimaidd a gallai hyn arwain at ganlyniadau gwaeth.
Mae’r canllawiau hyn yn berthnasol i bob gweithiwr gofal iechyd proffesiynol cofrestredig a gellir eu defnyddio i helpu i adnabod pobl sydd â risg isel iawn o alergedd gwirioneddol i benisilin, y mae’n ddiogel tynnu’r label alergedd penisilin oddi arnynt yn seiliedig ar hanes blaenorol yn unig. Mae’r adnodd yn cynnwys deunyddiau ymarferol fel taflenni gwybodaeth i gleifion, templed asesu, posteri, templedi llythyrau a chardiau alergedd.
Cyhoeddwyd - Gorffenaf 2026
Atodiadau
Ffurflen Asesiad Effaith ar Gydraddoldeb ac Iechyd (EqHIA)
History-based penicillin allergy de-labelling in adults - EqHIA (Saesneg yn unig) - Mai 2026