Meddyginiaethau a Nodwyd fel Gwerth Isel ar gyfer Presgripsiynu yn GIG Cymru (adolygiad 2026) (ymgynghoriad)

Byddem yn croesawu eich sylwadau ar y ddogfen ddrafft Meddyginiaethau a Nodwyd fel Gwerth Isel ar gyfer Presgripsiynu yn GIG Cymru (adolygiad 2026) a'r ffurflen asesiad o’r effaith ar gydraddoldeb ac iechyd (EqHIA) gysylltiedig.

Mae Grŵp Strategaeth Meddyginiaethau Cymru Gyfan (AWMSG) wedi cymeradwyo canllawiau gwerth isel ar gyfer presgripsiynu sy'n rhoi cyngor i bresgripsiynwyr a byrddau iechyd yng Nghymru i leihau'r defnydd o feddyginiaethau na ddylid eu presgripsiynu’n rheolaidd naill ai oherwydd bod dewisiadau amgen mwy costeffeithiol yn bodoli, bod y dystiolaeth o effeithiolrwydd clinigol y feddyginiaeth yn gyfyngedig, neu gallai'r feddyginiaeth beri risg o niwed i gleifion.

Cafodd y gwaith hwn ei ymgorffori yn y rhaglen Presgripsiynu ar Sail Gwerth a gymeradwywyd gan AWMSG yn 2022, sy'n anelu at gyflawni newid ystyrlon yn y defnydd o feddyginiaethau ac adnoddau i gleifion yng Nghymru. Gwnaeth grŵp gorchwyl a gorffen, gyda chynrychiolaeth o bob bwrdd iechyd, adolygu’r argymhellion presennol. Mae'r wybodaeth gefndirol ar gyfer pob argymhelliad wedi'i hadolygu a'i diweddaru lle bo'n berthnasol. Ar gyfer rhai meddyginiaethau, teimlai'r grŵp gorchwyl a gorffen fod angen cynnal adolygiad llenyddiaeth mwy manwl. Mae'r rhain wedi'u cynnwys fel atodiadau yn y papur. 

Mae’r ddogfen, y ffurflen EqHIA gysylltiedig a’r ffurflen adborth i’w gweld isod.

Dyddiad cau: Dydd Iau 21 Mai 2026