Ymgynghoriadau
Rydym yn cynhyrchu canllawiau presgripsiynu ac adnoddau eraill am feddyginiaethau i helpu cleifion a gweithwyr gofal iechyd proffesiynol yng Nghymru i sicrhau bod meddyginiaethau'n cael eu defnyddio'n effeithiol ac yn briodol.
Cewch ragor o wybodaeth yn ein hadran Optimeiddio meddyginiaethau.
Pan fyddwn yn cynhyrchu'r adnoddau hyn, credwn ei bod yn bwysig bod pobl a allai gael eu heffeithio ganddynt yn cael cyfle i roi eu barn i ni. Gofynnwn i gleifion a gofalwyr, sefydliadau cleifion, presgripsiynwyr a gweithwyr gofal iechyd proffesiynol eraill wneud sylwadau ar yr adnoddau rydym yn eu datblygu.
Mae mewnbwn gan gleifion yn hollbwysig, oherwydd ein nod yw gwella’r gofal a’r driniaeth rydych yn gael.
Hoffem glywed eich barn ar yr adroddiadau rydym yn gweithio arnynt ar hyn o bryd, a restrir isod. Nid oes angen i chi wneud sylwadau am y ddogfen gyfan, dim ond y rhannau sydd fel petaent yn berthnasol i chi.
Dewiswch y ddogfen yr hoffech wneud sylw amdani o’r rhestr isod, llenwch y ffurflen a’i hanfon atom yn: awttc@wales.nhs.uk.
-
-
- Canllawiau rhagnodi Cymru gyfan ar gyfer dirywiad maciwlaidd gwlyb (neofasgwlaidd) cysylltiedig ag oedran (ymgynghoriad)
-
Pwrpas y canllawiau hyn yw helpu GIG Cymru i wireddu manteision meddyginiaethau gwrth-VEGF biodebyg i gleifion â wAMD ac i wasanaethau, drwy hyrwyddo cysondeb o ran triniaeth ar draws byrddau iechyd a hwyluso'r broses o gaffael meddyginiaethau. Nod y canllawiau yw darparu consensws ar egwyddorion cyffredinol ar gyfer dechrau, oedi a stopio triniaeth, y dewis o driniaeth, a rheolau 'trin ac ymestyn' y gellir eu cymhwyso i feddyginiaethau gwrth-VEGF biodebyg ledled GIG Cymru.
-
-
- Fframwaith gweithredu Cymru gyfan ar gyfer meddyginiaethau biolegol mewn COPD (ymgynghoriad)
-
Bydd Fframwaith gweithredu Cymru gyfan ar gyfer meddyginiaethau biolegol mewn COPD yn cefnogi gweithrediad rheoledig, dan arweiniad clinigol, o feddyginiaethau biolegol ar gyfer clefyd rhwystrol cronig yr ysgyfaint (COPD) yng Nghymru.
Dyddiad cau: Dydd Mawrth 18 Awst 2026
-
-
- Canllaw Cymru Gyfan ar ragnodi bwydydd di-glwten (ymgynghoriad)
-
Dyddiad cau: Dydd Gwener 14eg Awst 2026
Mae'r GIG yn darparu bwydydd heb glwten i gleifion sydd wedi cael diagnosis o glefyd seliag neu dermatitis herpetifformis, er mwyn annog cleifion i gadw at ddeiet heb glwten a helpu i atal problemau iechyd mwy cymhleth rhag datblygu. Nod y canllaw hwn yw cefnogi rhagnodwyr a gweithwyr proffesiynol ym maes gofal iechyd drwy ddarparu arweiniad ar: gyfrifo gofynion misol o ran unedau bwyd heb glwten ar gyfer cleifion; a'r mathau, y meintiau a'r unedau o fwyd heb glwten a argymhellir ac y gellir eu rhagnodi.