Byddem yn croesawu eich sylwadau ar ddogfen ddrafft Canllawiau rhagnodi Cymru gyfan ar gyfer dirywiad maciwlaidd gwlyb (neofasgwlaidd) cysylltiedig ag oedran a'r ffurflen Asesiad o’r Effaith ar Gydraddoldeb ac Iechyd (EqHIA) gysylltiedig.
Mae dirywiad maciwlaidd cysylltiedig ag oedran (AMD) yn un o brif achosion colli golwg. Mewn astudiaeth yn 2012, amcangyfrifwyd bod AMD gwlyb (wAMD), a elwir hefyd yn AMD neofasgwlaidd, yn effeithio ar 263,000 o bobl yn y DU, gyda’r nifer yr effeithir arnynt yn debygol o godi i 339,000 erbyn 2020. Mae rhagamcanion pellach yn awgrymu y gallai nifer yr achosion o wAMD gynyddu i 683,000 erbyn 2050. Gwelwyd gostyngiad sylweddol yn nifer y cofrestriadau dallineb oherwydd wAMD yn dilyn cyflwyno therapïau ffactor twf endothelaidd gwrth-fasgwlaidd y tu mewn i’r llygad yn y DU ac Ewrop yn 2007. Yn ystod blwyddyn ariannol 2025–2026, gwariodd GIG Cymru dros £28 miliwn ar driniaeth gwrth-VEGF ar gyfer cyflyrau'r retina, gyda thua 77,000 o bigiadau'n cael eu rhoi. Bydd y cynnydd disgwyliedig yn nifer yr achosion a chyffredinrwydd wAMD dros y blynyddoedd i ddod yn golygu bod angen i wasanaethau offthalmoleg barhau i arloesi a darparu gwasanaethau symlach a chosteffeithiol er mwyn cynyddu capasiti a diwallu'r galw am y meddyginiaethau hyn.
Pwrpas y canllawiau hyn yw helpu GIG Cymru i wireddu manteision meddyginiaethau gwrth-VEGF biodebyg i gleifion â wAMD ac i wasanaethau, drwy hyrwyddo cysondeb o ran triniaeth ar draws byrddau iechyd a hwyluso'r broses o gaffael meddyginiaethau. Nod y canllawiau yw darparu consensws ar egwyddorion cyffredinol ar gyfer dechrau, oedi a stopio triniaeth, y dewis o driniaeth, a rheolau 'trin ac ymestyn' y gellir eu cymhwyso i feddyginiaethau gwrth-VEGF biodebyg ledled GIG Cymru. Bwriedir i’r canllawiau gael eu defnyddio gan staff meddygol a chlinigol, ac maent yn darparu gwybodaeth i gomisiynwyr a swyddogion llywodraethu'r GIG.
Dyddiad cau: 21 August 2026
⇩ All Wales wAMD prescribing guidelines - Consultation draft 284KB (PDF) (Saesneg yn unig) |
⇩ All Wales wAMD prescribing guidelines - EqHIA form 210KB (PDF) (Saesneg yn unig) |
⇩ All Wales wAMD prescribing guidelines - Ffurflen adborth ymgynghoriad 36KB (.docx) |