Dangosyddion Presgripsiynu Cenedlaethol 2022-2025

Mae dangosyddion presgripsiynu cenedlaethol yn dangos sut y mae’r gwahanol fyrddau iechyd yng Nghymru yn presgripsiynu meddyginiaethau penodol, ac yn tynnu sylw at unrhyw wahaniaethau mewn patrymau presgripsiynu.

Yn ôl Sefydliad Iechyd y Byd, presgripsiynu rhesymegol yw sicrhau bod cleifion yn derbyn y meddyginiaethau cywir ar eu cyfer, y dosau cywir am yr amser cywir, ac am y gost isaf i gleifion a’u cymuned.

Datblygir dangosyddion presgripsiynu cenedlaethol i hyrwyddo presgripsiynu meddyginiaethau rhesymegol yng Nghymru. Mae’r dewis o ddangosyddion yn seiliedig ar dystiolaeth ac mae’r dangosyddion wedi’u cynllunio i fod yn glir ac yn hawdd i bresgripsiynwyr a gweithwyr gofal iechyd proffesiynol eu deall.

Mae’r dangosyddion yn caniatáu i fyrddau iechyd, clystyrau gofal sylfaenol, practisau meddygon teulu a presgripsiynwyr gymharu eu harfer presgripsiynu presennol yn erbyn safon ansawdd a gytunir.

Ar gyfer 2022-2025, mae’r Dangosyddion Presgripsiynu Cenedlaethol: Cefnogi Presgripsiynu Diogel wedi’i Optimeiddio yn canolbwyntio ar y meysydd blaenoriaeth canlynol:

• Poenleddfwyr (yn cynnwys opioid, tramadol, a gabapentin a pregabalin)
• Gwrthgeulyddion ar gyfer ffibriliad atrïaidd
• Stiwardiaeth gwrthficrobaidd (yn cynnwys eitemau gwrthficrobaidd cyflawn a ‘gwrthficrobyddion 4C’: co-amoxiclav, cephalosporins, fluoroquinolones a clindamycin)
• Datgarboneiddio mewnanadlyddion

Cefnogir y pedwar maes blaenoriaeth hyn gan ddangosyddion ychwanegol:

• Diogelwch
  • Dangosyddion diogelwch presgripsiynu
  • Hypnoteg a lleihau gorbryder
  • Cardiau Melyn
• Effeithlonrwydd
  • Meddyginiaethau biolegol gwerth gorau
  • Gwerth isel ar gyfer presgripsiynu

(Cyhoeddwyd Ionawr 2022 - Diweddarwyd Awst 2024)

Adnoddau cysylltiedig:

(Cyhoeddwyd Gorffennaf 2024)

(Cyhoeddwyd Chwerfror 2022 - Diweddarwyd Awst 2024)

(Cyhoeddwyd Ionawr 2022)