Polisi Cyn-ragnodi Cymru Gyfan ar gyfer Myfyrwyr Meddygol Blwyddyn Olaf, Fferyllwyr dan Hyfforddiant Sylfaen a Hyfforddeion Rhagnodi Anfeddygol (ymgynghoriad)

Byddem yn croesawu eich sylwadau ar y ddogfen ddrafft Polisi Cyn-ragnodi Cymru Gyfan ar gyfer Myfyrwyr Meddygol Blwyddyn Olaf, Fferyllwyr dan Hyfforddiant Sylfaen a Hyfforddeion Rhagnodi Anfeddygol a'r ffurflen asesiad o’r effaith ar gydraddoldeb ac iechyd (EqHIA) gysylltiedig.

Mae cyn-ragnodi yn golygu bod hyfforddeion yn ysgrifennu presgripsiynau dilys ar gyfer cleifion go iawn o dan oruchwyliaeth rhagnodydd trwyddedig sy'n adolygu ac yn gwrth-lofnodi'r presgripsiwn i roi awdurdod i’w weinyddu neu ei ddosbarthu, ac yn darparu adborth.

Nod Polisi Cyn-ragnodi Cymru Gyfan ar gyfer Myfyrwyr Meddygol Blwyddyn Olaf, Fferyllwyr dan Hyfforddiant Sylfaen a Hyfforddeion Rhagnodi Anfeddygol yw:

• sefydlu dull safonol o gyn-ragnodi ar draws lleoliadau clinigol yng Nghymru;
• cefnogi myfyrwyr meddygol blwyddyn olaf, fferyllwyr blwyddyn sylfaen, a gweithwyr gofal iechyd proffesiynol sy'n ymgymryd â chymwysterau rhagnodi anfeddygol i ysgrifennu presgripsiynau o dan oruchwyliaeth, gan wella eu galluoedd rhagnodi yn y byd go iawn a sicrhau diogelwch cleifion;
• cefnogi darparwyr hyfforddiant gofal iechyd ledled Cymru i roi’r dull cyn-ragnodi ar waith yn lleol mewn lleoliadau ymarfer clinigol;
• a darparu fframwaith llywodraethu cadarn sy'n sicrhau dull cyson, diogel ac effeithiol o ddarparu hyfforddiant cyn-ragnodi mewn ymarfer clinigol.

Mae’r ddogfen a’r ffurflen EqHIA gysylltiedig a’r ffurflen adborth i’w gweld isod.

Dyddiad cau: Dydd Llun 2 Mawrth 2026