Mynychodd NPIS Caerdydd ddigwyddiad CPD Canolfan Gwybodaeth Gwenwynau Genedlaethol Dulyn

Yn ddiweddar, mynychodd NPIS Caerdydd ddigwyddiad CPD Canolfan Gwybodaeth Gwenwynau Genedlaethol Dulyn, a gynhaliwyd i ddathlu 60 mlynedd ers sefydlu’r NPIC. Roedd y rhaglen yn cynnwys cyflwyniadau gwych ac yn cynnig cyfle gwerthfawr ar gyfer dysgu a rhwydweithio. Roedd yn ysbrydoledig clywed mwy am hanes yr NPIC ac i ddathlu chwe degawd o gydweithio agos rhwng NPIS y DU ac NPIC Iwerddon.

Roedd y digwyddiad yn cynnwys rhaglen amrywiol, gan gynnwys trafodaeth ar ddulliau newydd i leihau gwenwyno propranolol, tystiolaeth gynnar sy’n llywio rheoli gorddos parasetamol, ymateb i ddigwyddiadau cemegol ac allyriadau aer, data canolfannau gwenwyn ar orddos mewn beichiogrwydd, amlygiadau i nicotin, gwenwyno parasetamol ymhlith pobl ifanc, a chyflwyniad achos hynod ddiddorol o wenwyno aconit. Roedd gofal critigol mewn tocsicoleg yn thema allweddol, gyda sesiynau ar ECMO, therapi inswlin dos uchel a haemodialysis.

Cawsom hefyd ddiweddariad gan gomisiynydd NPIS yn UKHSA, a rannodd ddatblygiadau cyffrous mewn partneriaethau rhyngwladol newydd a mentrau sy’n anelu at gefnogi sefydlu a datblygu canolfannau gwenwyn dramor, yn enwedig mewn gwledydd sy’n datblygu.

Cyfrannodd cydweithwyr NPIS Caerdydd at y rhaglen hefyd. Cyflwynodd Bethan Hughes, Arbenigwr mewn Gwybodaeth Gwenwynau, ar y pwysau ar y gwasanaeth a’r mentrau sydd ar waith i gryfhau ein gwasanaeth drwy estyn allan a hyfforddiant. Rhoddodd yr Athro James Coulson ddarlith hynod ddiddorol ar ddefnyddio biomarcwyr mewn gwenwyndra ethanol.

Mwynheuon ni’r gynhadledd a'r cyfle i weld Dulyn yn llawn. Diolch enfawr i NPIC am ein cynnal. Edrychwn ymlaen at y digwyddiad nesaf!