Cyfnod newydd ar gyfer y Llwybr Trwyddedu a Mynediad Arloesol (ILAP)

6 Tachwedd 2024

Mae'r Llwybr Trwyddedu a Mynediad Arloesol (ILAP) yn dechrau cyfnod newydd sy'n canolbwyntio ar gael y meddyginiaethau newydd mwyaf trawsnewidiol i gleifion yn y Gwasanaeth Iechyd Gwladol (GIG) yn gyflymach.

Nod yr ILAP yw cyflymu'r amser i gleifion gael gafael ar feddyginiaethau newydd trawsnewidiol, trwy ddarparu un platfform integredig ar gyfer cydweithio parhaus rhwng y datblygwr, y rheoleiddiwr (MHRA), y Gwasanaeth Iechyd Gwladol (GIG) a chyrff Asesu Technoleg Iechyd y DU (HTA) sef; Canolfan Therapiwteg a Thocsicoleg Cymru Gyfan (AWTTC), y Sefydliad Cenedlaethol dros Ragoriaeth mewn Iechyd a Gofal (NICE) a Chonsortiwm Meddyginiaethau yr Alban (SMC).

Y prif welliannau i'r llwybr yw:

Gwell gwasanaeth pwrpasol o ansawdd trwy fynediad mwy dethol a deialog amlach rhwng partneriaid ILAP a'r datblygwr.

Map ffordd symlach a llinellau amser mwy rhagweladwy, gan alluogi datblygwyr i gynllunio'n fwy effeithiol.

Bydd y GIG yn cymryd rhan fel partner craidd a bydd yn canolbwyntio ar gynllunio gweithredol a pharodrwydd systemau ar gyfer cyflwyno meddyginiaethau newydd arloesol i'r GIG er budd cleifion. Mynediad unigryw i Gyngor Gwyddonol ar y Cyd ILAP a'r Fforymau Mynediad sy'n rhychwantu arbenigedd rheoleiddiol, HTA a system gofal iechyd ledled Cymru, Lloegr a'r Alban.

Dull wedi’i flaenoriaethu o amserlennu Cyngor Gwyddonol ar y Cyd ILAP (JSA), Fforymau Mynediad ILAP, cyngor gwyddonol MHRA a chyfarfodydd cyn cyflwyno a mynediad at Gyswllt Data Ymchwil Ymarfer Clinigol (CPRD).

Ehangu'r ILAP i gynnwys cyfuniadau dyfeisiau meddyginiaeth.

Mae cyfranogiad cleifion a'r cyhoedd yn rhan annatod o'r ILAP, ac mae cynlluniau ar y gweill i wreiddio llais y claf mewn ffordd ystyrlon yn y llwybr. Yn ogystal, bydd partneriaid ILAP yn parhau i ymgysylltu â'r sector gwyddorau bywyd i sicrhau bod yr ILAP newydd yn darparu ar gyfer datblygwyr, y GIG a chleifion a'r cyhoedd.

Am fwy o wybodaeth ewch i Llwybr Trwyddedu a Mynediad Arloesol - GOV.UK