AWMSG yn cyhoeddi Adroddiad Blynyddol 2024–2025 yn Amlygu Cyflawniadau Allweddol mewn Mynediad at Feddyginiaethau, Diogelwch ac Optimeiddio
5 Medi 2025
Mae Grŵp Strategaeth Meddyginiaethau Cymru Gyfan (AWMSG) wedi cyhoeddi ei adroddiad blynyddol ar gyfer 2024–2025, gan amlygu ei ymrwymiad parhaus i wella defnydd diogel ac effeithiol o feddyginiaethau yng Nghymru.
Mae'r adroddiad yn amlinellu cyflawniadau allweddol y flwyddyn, gan ganolbwyntio ar gydweithio, arloesi, a dulliau sy'n canolbwyntio ar y claf.
Yn yr adroddiad blynyddol, gallwch ddarllen mwy am yr holl brosiectau y mae AWMSG wedi bod yn gweithio arnynt drwy gydol 2024–2025.
Mae allbynnau AWMSG eleni yn cynnwys:
- 5 o feddyginiaethau wedi’u harfarnu
- 77 o feddyginiaethau ar y Gronfa Triniaethau Newydd
- 8 cyhoeddiad optimeiddio meddyginiaethau wedi’u cyhoeddi
- 14 o Ddangosyddion Presgripsiynu Cenedlaethol wedi'u monitro
- 4 argymhelliad Cymru'n Un a 7 adolygiad Cymru'n Un
Dywedodd yr Athro Iolo Doull, Cadeirydd AWMSG: “Mae’n bleser mawr gennyf gyflwyno Adroddiad Blynyddol Grŵp Strategaeth Meddyginiaethau Cymru Gyfan (AWMSG) ar gyfer y flwyddyn adrodd hon. Mae’r flwyddyn ddiwethaf wedi dod â chynnydd a her, gan danlinellu pwysigrwydd parhaus ein gwaith o gefnogi defnydd diogel, effeithiol a theg o feddyginiaethau ar draws GIG Cymru.”
Yn ogystal â rhoi trosolwg o weithgareddau AWMSG drwy gydol 2024–2025, mae'r adroddiad yn cynnwys:
- Cynnydd ar weithredu strategaeth pum mlynedd AWMSG , gan gynnwys y diweddaraf ar flaenoriaethau strategol a chamau a gymerwyd dros y 12 mis diwethaf
- Enghreifftiau o gyfranogiad ystyrlon gan gleifion a'r cyhoedd , sy'n dangos sut mae profiad bywyd yn parhau i lunio gwaith a phrosesau gwneud penderfyniadau AWMSG
- Cydnabyddiaeth o'r cyfraniadau a wneir gan weithwyr gofal iechyd proffesiynol ledled Cymru, gan gynnwys eu rôl mewn ymgynghoriadau, datblygu canllawiau ac arfarnu meddyginiaethau
- CCrynodeb o'r cydweithio parhaus â'r diwydiant fferyllol, gyda ffocws cyffredin ar wella canlyniadau cleifion a sicrhau mynediad amserol at driniaethau newydd.
Mae adroddiad blynyddol 2024–2025 wedi'i lunio gan AWTTC ac mae ar gael i'w ddarllen yn llawn yma .