Gwneud cyflwyniad am feddyginiaeth - gweithwyr gofal iechyd proffesiynol

Mae cyflwyniadau gan weithwyr gofal iechyd proffesiynol yn rhan annatod o'n proses asesu. Rydym hefyd gwahodd ceisiadau i ystyried meddyginiaethau ar gyfer asesiad AWMSG. Mae'r adran hon yn cynnwys y wybodaeth a'r ffurflenni sydd eu hangen arnoch i wneud cyflwyniad i ni.

Gofyn am ystyried meddyginiaeth ar gyfer asesiad AWMSG

Rydym yn croesawu awgrymiadau gan gydweithwyr GIG Cymru ar gyfer meddyginiaethau i'w hystyried i'w hasesu gan Grŵp Strategaeth Meddyginiaethau Cymru Gyfan (AWMSG). Mae'r mathau o feddyginiaethau y gellir eu cyflwyno i'w hystyried yn cynnwys:

Meddyginiaethau trwyddedig lle nad oes cyngor gan y Sefydliad Cenedlaethol dros Ragoriaeth mewn Iechyd a Gofal (NICE) nac AWMSG yn bodoli neu, os yw'r feddyginiaeth newydd ei thrwyddedu, nad yw ar raglen waith NICE ar gyfer asesiad (neu bydd oedi sylweddol) neu mae asesiad wedi'i derfynu gan NICE.
Meddyginiaethau trwyddedig a gafodd argymhelliad negyddol gan NICE neu AWMSG neu Ddatganiad Cyngor gan AWMSG yn flaenorol, lle mae ffactorau newydd neu dystiolaeth glinigol ar gael nawr sy'n debygol o effeithio'n sylweddol ar y dystiolaeth ar gyfer effeithiolrwydd clinigol a/neu gost-effeithiolrwydd y feddyginiaeth
Meddyginiaethau sy'n cael eu defnyddio y tu allan i'w trwydded cynnyrch ('oddi ar y label') lle nad oes meddyginiaeth drwyddedig ar gael yn rheolaidd a fydd yn diwallu anghenion y claf.

Ar gyfer POB cais am feddyginiaeth rhaid bod angen neu fudd clinigol clir i ddarparu gwasanaethau yn GIG Cymru. Efallai y bydd angen ymrwymiad gan glinigwyr sy'n ymarfer neu rwydweithiau clinigol i gasglu a choladu data canlyniadau cleifion hefyd.

Cwblhewch y ffurflen gais am feddyginiaethau ar gyfer gweithwyr gofal iechyd proffesiynol a'i dychwelyd i awttc@wales.nhs.uk . Rhoddir rhagor o wybodaeth ar y ffurflen am gynhyrchion sydd y tu allan i gylch gwaith asesiad AWMSG a chategorïau o feddyginiaethau nad ydynt fel arfer yn cael eu hasesu gan AWMSG.

Mae rhagor o wybodaeth am broses asesu AWMSG ar gyfer meddyginiaethau trwyddedig a meddyginiaethau a ddefnyddir oddi ar y label ar gael o wefan AWTTC yn: https://awttc.nhs.wales/AWMSG-medicine-assessment-process

Barn arbenigol clinigol ar gyfer asesiadau meddyginiaeth

Mae barn arbenigwyr clinigol sy'n gweithio yn GIG Cymru yn rhan hanfodol o broses asesu AWMSG; pan fydd meddyginiaeth yn cael ei hystyried ar gyfer asesiad a hefyd fel rhan o'r asesiad ei hun. Gofynnir i arbenigwyr clinigol lenwi holiadur arbenigwyr clinigol a ffurflen datganiadau buddiant i wneud sylwadau ar opsiynau triniaeth cyfredol ac unrhyw feysydd o angen heb ei ddiwallu; eu gwybodaeth am y feddyginiaeth dan sylw a sut y gallai ffitio i'r llwybr clinigol; unrhyw ganllawiau sy'n dylanwadu ar driniaeth; a faint o gleifion a allai fod yn gymwys i gael triniaeth gyda'r feddyginiaeth.

Bydd Canolfan Therapiwteg a Thocsicoleg Cymru Gyfan (AWTTC) yn gwahodd arbenigwyr clinigol i gyflwyno eu barn ar feddyginiaeth sy'n cael ei hasesu. Gall hyn fod drwy gais i gymdeithasau proffesiynol, rhwydweithiau clinigol neu bwyllgorau meddyginiaethau a therapiwteg ar gyfer enwebiadau neu drwy e-bost uniongyrchol at gysylltiadau sefydledig. Os nad ydych wedi derbyn cais gennym ond hoffech gyflwyno eich barn ar un o'r meddyginiaethau yr ydym yn eu hasesu ar hyn o bryd neu sy'n cael ei hystyried ar gyfer asesiad , byddem yn croesawu eich cyfraniad. Llenwch yr holiadur arbenigol clinigol neu cysylltwch â ni fel y gallwn ddweud mwy wrthych.

Cyflwyno cais IPFR

Os yw claf a'u clinigwr yn cytuno y byddai meddyginiaeth nad yw ar gael yn rheolaidd o fudd i'r claf, gall eu clinigwr gyflwyno Cais Cyllido Claf Unigol (IPFR) gan ofyn i'r bwrdd iechyd, neu Bwyllgor Comisiynu ar y Cyd GIG Cymru (NWJCC) , ariannu'r feddyginiaeth. Mae gwybodaeth am sut i wneud cyflwyniad IPFR, naill ai'n electronig neu drwy lawrlwytho'r ffurflen gyflwyno IPFR, ac atebion i rai cwestiynau cyffredin ar gael o'r wefan hon yn https://awttc.nhs.wales/ipfr-submissions